BOSHLANGʻICH TA'LIMDA OʻQITUVCHINING NUTQ MADANIYATI

Tavsif

Hozirgi davrda mamlakatimizda olib borilayotgan islohotlarning asosiy maqsadi — inson manfaatlarini ta’minlash, yosh avlodni intellektual salohiyatli, ma’naviy yetuk va yuksak madaniyatli shaxs sifatida tarbiyalashdan iboratdir. Bu jarayonda ta’lim tizimi, ayniqsa, boshlang‘ich ta’lim bosqichi beqiyos ahamiyat kasb etadi. Chunki aynan boshlang‘ich ta’lim inson shaxsining poydevorini, uning tafakkuri, axloqi, nutqi va dunyoqarashini shakllantiradi. O‘zbekiston Respublikasi Prezidenti Shavkat Mirziyoyev ta’lim-tarbiya masalasiga oid nutqlarida shunday degan edi: “Biz farzandlarimizni nafaqat bilimli, balki keng dunyoqarashli, mustaqil fikrlaydigan, yuksak ma’naviyatli insonlar qilib tarbiyalashimiz zarur. Buning uchun, avvalo, o‘qituvchi shaxsining saviyasi, madaniyati va nutqi yuqori bo‘lishi kerak.” Bu so‘zlarda o‘qituvchining nutqi va madaniyati nafaqat kasbiy, balki milliy taraqqiyotning muhim omili sifatida baholangan. Haqiqatan ham, o‘qituvchi nutqi — bu shunchaki dars o‘tish vositasi emas, balki o‘quvchining tafakkurini shakllantiruvchi, uning ma’naviyatiga bevosita ta’sir ko‘rsatuvchi kuchli tarbiyaviy quroldir. O‘qituvchi nutq madaniyati – bu shunchaki so‘zlash mahorati emas, balki o‘quvchilarning ongiga, tafakkuriga, his-tuyg‘usiga ta’sir etuvchi pedagogik kuchdir. Prezidentimiz Shavkat Mirziyoyev ta’kidlaganidek: “Yangi O‘zbekistonni barpo etish uchun yangi tafakkur, yangi yondashuv zarur. Bu, eng avvalo, o‘qituvchining o‘z nutqida, o‘z fikrida, o‘z muloqotida namoyon bo‘lishi kerak.” Demak, nutq madaniyatini rivojlantirish – bu o‘qituvchi kasbiy mahoratini, yoshlar ma’naviyatini va umuman, jamiyat madaniyatini yuksaltirishga xizmat qiluvchi eng muhim omildir. Shu bois, ushbu kurs ishining mazmuni o‘qituvchining nutq madaniyatini chuqur o‘rganish va uni takomillashtirishga qaratilgan.

Hujjat haqida

Kategoriya

Kurs ishlari | Ona tili

Format

DOCX

Hajmi

32 bet

Fayl hajmi

284.36 KB

Muallif

Obidjon Musurmonov

Qo'shilgan

15.04.2026