Mahsulot tavsifi
Psixologik treninglar vositasida bolalar idrokini shakllantirish Psixologik treninglar vositasida bolalar idrokini shakllantirish MUNDARIJA KIRISH ……………………………………………………………….…3-6 I BOB. Maktabgacha ta'lim muassasalarida psixologik treninglar orqali bolalar idrokini rivojlantirishga doir ishlarning nazariy asoslari 1.1 Psixologik trening haqida umumiy tushuncha......................7-18 1.2 Ijtimoiy psixologik treninglar tajribasining idrokni rivojlantirishdagi ahamiyati ..................................................18-25 II BOB. Maktabgacha ta'lim muassasalarida psixologik treninglar orqali bolalar idrokini rivojlantirishga doir amaliy ishlar 2.1. Maktabga tayyorlov guruhi bolalarining idrokini treninglar yordamida rivojlantirish .......................................................26-36 2.2 Treninglarda Nuqta konturlari orqali rasm chizish metodi va uning idrokni rivojlantirishi............................................................37-40 XULOSALAR ..............................................................................................40 ILOVALAR ……………………………………………………………….41 TAKLIFLAR ...............................................................................................43 GLOSSARIY ................................................................................................45 FOYDALANILGAN ADABIYOTLAR RO‘YXATI ...............................46 KIRISH Mavzuning dolzarbligi .Bugungi kunda 6-7 yoshli bolalarni har tomonlama rivojlangan, jismonan sog‘lom, aqlan etuk va ma’naviy jihatdan shakllangan etib voyaga etkazish dolzarb vazifalardan biri bo‘lib kelmoqda. Bu kabi vazifalarni amalga oshirishda albatta zamon talabiga mos keladigan talablarni yangi, qo‘shimchalar kiritilgan variantini ishlab chiqish zarurati tug‘ildi. Shulardan kelib chiqqan xolda, bir qator olim va tajribali amaliyotchilar ishtirokida ushbu talablar yaratildi. O‘z navbatida maktabgacha ta’limga qo‘yiladigan davlat talablari «Ta’lim to‘g‘risida»gi qonun, «Kadrlar tayyorlash milliy dasturi»ga muvofiq ishlab chiqilgan. Yaratilgan Davlat talablari ko‘p jixatdan mavjud bo‘lgan Davlat talablaridan keskin farq qiladi. Birinchidan, yangi turdagi Davlat talablari bolalarning asosan psixologik xususiyatlarini hisobga olgan holda tuzilgan. Ikkinchidan, yo‘nalishlarida farq bor. Uchinchidan, bolalarning yosh ko‘rsatkichlari orasidagi intervallar uzaytirilgan. Maktabgacha ta’limga qo‘yiladigan Davlat talablari bolalarning psixologik xususiyatlariga asoslangan holda ta’lim-tarbiya jarayonini belgilab beradi. SHuning uchun maktabgacha ta’lim muassasalari pedagog xodimlaridan psixologiyaga oid bilimlarini yanada chuqurlashtirish talab etiladi. Bugungi maktab bolasidan aniq bilimlargina emas, fikrlash ko‘nikmasi, kattalar va tengdosh o‘rtoqlarini tushunish, ular bilan hamkorlik qilish ham talab etiladi. Shuning uchun bola maktabga qadam qo‘yayotganida qanchalik bilimga ega ekanligi emas, balki uning yangi bilimlarni egallashga tayyorligi, atrof-olamga moslashishi ko‘nikmasi, voqea-hodisani mustaqil rav ishda tahlil etishi va mustaqil harakat qilishi muhimroq hisoblanadi. Bolani biror narsaga o‘rgatishgina emas, unda o‘z kuchiga ishonchni orttirish, o‘z g‘oyasini himoya qilish, mustaqil ravishda bir qarorga kelish hamda unda “Men” konsepsiyasini shakllantirish ham muhimdir. “Men”ni idrok qilish orqali bola predmetlarni, atrofni, bo’layotgan voqeliklarni idrok qiladi. Bolaning maktabga tayyorgarligi undagi idrok, kuzatish, xotira, tafakkurning rivojlanishi, vaqt va fazoviy tushunchalar olami, ijtimoiy hodisalar haqidagi tasavvurlarning shakllanishi bilan belgilanadi. Maktab xaqidagi tushunchalar, keyinchalik ta’lim xaqidagi tushunchalarni shakllantiradi. Bolalarni har tomonlama intellektual, axloqiy, estetik va jismoniy rivojlantirish, ta’lim-tarbiya berish orqali bolalarni maktab ta’limiga sifatli tayyorlash, bolalarni maktabgacha ta’lim bilan qamrab olish maktabgacha ta’lim muassasasining maqsadi hisoblanadi. Shunday ekan, bolaning har tomonlamashakllanishi va rivojlanishi undagi bilish jarayonlarining rivojlanishi bilan bog‘liq. Aynan bolaning idrok jarayoniga alohida to‘xtalish lozim bo‘ladi. Bola idrokini shakllantirish va rivojlantirish dolzarb bo‘lib, bu o‘z navbatida bir qator pedagoglar, psixologlar hamda maktabgacha ta’lim muassasalari tarbiyachi va psixologlari oldiga bir qator vazifalarni qo‘yadi. Muammoning o‘rganilganlik darajasi . L.A.Petrovskaya ijtimoiy psixologik treningga ta’rif berar ekan, uni quyidagicha izohlaydi: “Trening - shaxslararo munosabatlardagi bilimlar, ijtimoiy ustanovkalar, ko’nikma va tajribalarni rivojlantirishga qaratilgandir”, shuningdek, “Muloqotda kompetentlikni rivojlantirish vositasi hamdir”. [1] XX asrning 30-yillaridan birinchi ilmiy psixologik xulosalarni qilgan shvetsariyalik psixolog Jan Piaje tadqiqotlarida bolaning ijtimoiylashuv jarayonini bahs va munozara usuli orqali o’rganar ekan, bolalarda egoistlik mavqeini susayishi, o’zini xatti – harakati va o’zgalar mavqeini anglash bilan bir qatorda o’zini o’zgalar o’rniga qo’ya olish qobiliyatini rivojlantirishini aniqlagan. Nemis psixologi Kurt Levinning fikricha, guruhdagi munozara har bir shaxsning ijtimoiy ustanovkalari, qarashlarini, har bir shaxsning guruhiy faoliyatiga nisbatan motivatsiyasini oshirib, o’z mavqei va o’zgalarni tushinish, his qilish ehtiyojining oshishini ta’kidlaydi. S. I. Makshanovning psixologik trening nazariyasiga kelsak, shaxsga nisbatan qaratilgan “rivojlanish” tushunchasidan farqli o'laroq, treningga shaxs xususiyatlarini “ataylab o'zgartirish” atamasini kiritgan Malakaviy bitiruv ishining amaliy va ilmiy ahamiyati: Ushbu malakaviy ishimizda, Psixologik treninglar vositasida bolalar idrokini shakllantirishning mazmuni va ahamiyati, maktabgacha yoshdagi bolalarda idrok masalalarining qay darajada o‘rganilganligi, o‘quv faoliyati davomida bolalarning idrok jarayonini o‘rganish, idrok jarayonini turli o‘yinlar orqali osonlashtirish amaliy jihatdan atroflicha o‘rganildi. Malakaviy bitiruv ishining maqsadi: Maktabgacha ta’lim tashkilotlarida, maktabgacha tayyorlov yoshidagi bolalar idrokini shakllantirishni o‘rganish. Malakaviy bitiruv ishining obyekti: Maktabgacha ta’lim tashkilotlarida bolalarning idrokini shakllantirishga qaratilgan jarayon Malakaviy bitiruv ishining predmeti: Maktabgacha ta’lim tashkilotlarida, maktabga tayyorlov guruhi bolalarining idrokini shakllantirishning metod va vositalari Malakaviy bitiruv ishining ilmiy farazi: (gipotezasi) Bolaning idroki shakllantirish uchun quyidagilarni amalga oshirilganda ijobiy natijalarga erishish mumkin: Birinchidan, Vizual yordam bilan idrok : Bola ob’ektning nomini eshitadi va ob’ektning o’zini yoki rasmni ko’radi. Ikkinchidan, Eshitish idroki : Bola nafaqat ovozni eshitadi, balki so’zlovchining yuzi va lablarini ham ko’radi. [1] O. P. Gorbushina “Psixologik treningni o'tkazish sirlari” M.: 2008
Muallif
- Hujjatlari
- 9 601
- Sotilgan
- 3 289
