Tarixshunoslik fanining predmeti: maqsad va vazifalari
Tavsif
Tarixshunoslik fanining predmeti: maqsad va vazifalari 1-Mavzu: Tarixshunoslik fanining predmeti: maqsad va vazifalari Asosiy savollar: Tarixshunoslik fanining predmeti. Tarixshunoslik fanining manbalari. Tarixiy bilimlar taraqqiyoti va tarixiy tadqiqot usullari va metodologiyasi. Tarixshunoslik - tarix fanining tarixini o‘rganuvchi fan. Tarixshunoslik tarixiy bilimlar taraqqiyotini, muayyan tarixiy bosqichda yaratilgan ilmiy mahsulotlarni yoki ma’lum bir muammoga bag‘ishlangan tarixiy tadqiqotlarni o‘rganadi va tahlil kiladi.Tarixshunoslik nafaqat tarix, balki maxsus tarix fanlari (masalan, sharqshunoslik, etnologiya, arxeologiya va b) tarixi bilan ham shug‘ullanadi.Tarixshunoslikning asosiy vazifasi tarix fani rivojini chuqur va har tomonlama xolisona anglashdan, muayyan taraqqiyot davrida to‘plangan tarixiy bilimlarni tahliliy tadqiq etishdan, amalga oshirilgan ishlarning natijasini chikarishdan hamda shu asosda tadqiq etilgan dolzarb muammolarni aniqlab, kelgusi tadqiqotlarning yunalishlarini belgilashdan, tarixchilarni muayyan tarixiy-ilmiy muammo doirasidagi adabiyotlarga yunaltirishdan iborat.Tarixshunoslik o‘tmishda kechgan va bugunda sodir bo‘layotgan voqea-hodisalarning odamlar ongida qanday aks etishini, tarixiy adabiyotlar orqali ijtimoiy-tarixiy rivojlanish jarayonini kuzatish; jamiyat tarixiy rivojining turli bosqichlarida tarixiy bilimlarning o‘sib borish jarayonini kuzatish imkonini beradi. Boshqacha aytganda , ma’lum bosqich yoki davrda tarix fanining rivojini jamiyat taraqqiyotining asosiy yo‘nalishi bilan bog‘liqlikda ifodalaydi, ijtimoiy-siyosiy, mafkuraviy muhitning tarix faniga ta’sirini, u yoki bu yo‘nalishdagi rivojlanish va tanazzulga yuz tutish sabablarini aniqlaydi.Tarixshunoslik shuningdek, fan taraqqiyotida o‘z o‘rniga ega bo‘lgan ilmiy-tadqiqot markazlari tarixini, unda faoliyat ko‘rsatgan ilmiy kadrlarning salohiyati, ularning fan rivojiga qo‘shgan hissalarini o‘rganish kabi vazifalarni ham bajaradi.
Hujjat haqida
- Kategoriya
- Dars ishlanmalar | Tarix
- Format
- DOC
- Hajmi
- 131 bet
- Fayl hajmi
- 1.23 MB
- Muallif
- Soffchi PhD
- Qo'shilgan
- 29.01.2025
