Mahsulot tavsifi
•Turkiston xalqlarining ozodligi va erki uchun olib borgan kurashlari. XIX asrning ikkinchi yarmi XX asr boshlarida O’rta Osiyo xalqlari madaniyati. Turkistondagi siyosiy jarayonlar. Turkiston Muhtoriyati. •Reja: 1.Turkiston xalqlarining ozodligi va erki uchun olib borgan kurashlari. 2.XIX asrning ikkinchi yarmi XX asr boshlarida O’rta Osiyo xalqlari madaniyati. 3.Turkistondagi siyosiy jarayonlar. 4.Turkiston Muhtoriyati. •Rossiya imperiyasi Turkiston o’lkasini bosib olgach, mahalliy aholining milliy davlatchilik, ozodlik tuyg’ularini so’ndirishni asosiy vazifa deb hisoblagan. Bu vazifani amalga oshirmay turib, o’z hukmronligini osongina saqlab bo’lmasligini podsho hukumati yaxshi bilardi. Har qanday mustamlakachi davlat harbiy va bosqinchilik yo’li bilan bosib olgan hududning boyliklaridan o’z manfaati yo’lida foydalanishga harakat qiladi. Turkistonda ham xuddi shu taxlitda ish yuritilib, o’lkani Rossiya imperiyasining asosiy xomashyo bazasiga aylantirishga kirishildi. O‘lkada sanoat ishlab chiqarish rivojlana borib, kapitalistik munosabatlarga asta-sekin yo‘l ochilayotgan bo‘lsa-da, bu xalqning moddiy ahvolini yaxshilamadi, balki korxona xo‘jayinlari, savdogarlar, amaldorlarning boyishiga yo‘l ochib berdi. Yer-mulkning boylar va yirik savdogarlar qo‘lida to‘plana borishi kam yerli dehqonlarning, chorakorlarning ko‘payishiga sabab bo‘ldi. Sudxo‘rlik mislsiz darajada avj oldi.•Qarz beruvchi kassa mablag‘laridan faqat ayrim vositachilar — boylar, sudxo‘rlar, savdogarlar va shunga o‘xshash yulg‘ichlar foydalanib, uni o‘zlari xohlaganicha tasarruf qilishardi. Paxtani sotib oluvchilar dehqonning nihoyat darajada muhtoj bo‘lib qolganidan foydalanib, kelasi yil hosiliga juda past narx belgilab, qarz berardi. Sudxo‘r changaliga tushib qolgan dehqon xo‘jalik mustaqilligidan mahrum bo‘lib, qarz bergan kishi nimani buyursa, shuni ekishga majbur edi. Qarz va nasiyalardan foydalanish avj olgan sari dehqonlarning ahvoli tobora yomonlashib, qashshoqlikka yuz tutgan. Ular qarzlar tufayli o‘z yerlarini sotib yuborishga majbur bo‘lgan.
Muallif
- Hujjatlari
- 356
- Sotilgan
- 187
