Mahsulot tavsifi
Соғлиқни сақлаш муассасалари фаолиятини таҳлил этиш ва сифатни назорат қилиш Даволаш-профилактика муассасаларининг фаолиятини таҳлил ва назорат қилиш усуллари (поликлиника ва стационар). Соғлиқни сақлаш органлари ва раҳбарлари кунлик оператив фаолиятларида ва келгуси ишларни режалаштиришда доимо аҳоли саломатлиги, муассасалар тармоғи, соғлиқни сақлаш тизими ва тиббиёт ходимлари ишини ташкил этилганлиги ва фаолият ҳақидаги маълумотлардан доимий равишда фойдаланиб келадилар. Статистик маълумотларни малакали таҳлил этиш воқеаларга баҳо бериш, тегишли хулосалар чиқариш, раҳбарлик қилиш, бошқариш бўйича тўғри қарор қабул қилиш, ишни яхши ташкил этиш, аниқ режалаш ва истиқбол режа тузиш имконини беради. Соғлиқни сақлаш статистикаси соғлиқни сақлаш органларига тармоқ фаолиятини назорат қилишга, муассаса раҳбарларига эса ўзларининг муассасалари устидан оператив бошқарув, барча мутахассис шифокорларга эса даволаш-профилактика ишларининг сифати ва самарадорлигини баҳолашга ёрдам беради. Соғлиқни сақлаш тармоқлари ва муассасаларнинг фаолияти ҳақидаги, ишнинг ҳажми ва сифати ҳақидаги маълумот билан иерарх принципида тузилган санитария-статистик хизмати органлари таъминлайди. Даволаш-профилактика муассасаларидаги статистикаси хоналари бирламчи қайд тизимини ташкил этади. Кундалик фаолиятлар хакидаги маълумотлар тиббий қайд ҳужжатларини тўғри олиб борилишига боғлик бўлади ва муассасаса раҳбариятини тегишли оператив ҳамда якуний статистик маълумотлар билан таъминлайди. Марказий туман шифохонаси, вилоятлар соғлиқни сақлаш бошқармалари ахборот – ресурс марказлари ва Республика Соғлиқни сақлаш вазирлиги Саломатлик институти бўлимлари, статистик интизомнинг бажарилиши устидан назорат олиб боради, даволаш-профилактика ва ихтисослашган муассасалари фаолиятини натижаларини умумлаштиради, ҳудуддаги соғлиқни сақлаш, даволаш-профилактика, ихтисослашган муассасаларга ўз фаолиятини тўлиқ ҳар томонлама таҳлил этишга, баҳолашга ёрдам беради.
Muallif
- Hujjatlari
- 9 601
- Sotilgan
- 3 289
